MPCC in Assembly General Election 2023 atan Congress Manifesto No. 2 an tlangzarh

Congress Party chuan nimin khan Aizawl-a Congress Bhavan Golden Hall-ah Mizoram Legislative Assembly General Election 2023 atana Congress Manifesto No. 2 chu an tlangzarh.

Congress Manifesto No. 2 tlangzarhna hun hi Manifesto Drafting Committee Vice Chairman Ronald Sapa Tlau chuan kaihruaiin Manifesto Drafting Committee Secretary C. Lalhriatpuia chuan an Manifesto sawihawnna a nei a, MPCC President Lalsawta chuan Manifesto hi tlang-zarhin, “Sawrkar tha siam hi kan tum tak tak a, hlenchhuah ngei pawh kan tum a ni tih Mizoram mipuiin min hriatpui se ka duh a ni,” tiin “Kan sawrkar hunah kan ti ang tih lam a ni lo, kan sawrkar hma hian keimahni ah kan lantir tur a ni a, kan vei tur a ni a, a takin kan nunpui tur a ni,” a ti bawk.

MPCC Manifesto No. 2-ah hian ‘Sawrkar tha’ (Good Governance) chu thupui niin hlawm 6-ah then a ni a. Hlawm khatna ah ‘Corruption awmlohna sawrkar’ tih tarlan niin ‘Corruption hi system tha hian engemaw chen veng mahse a kengkawhtu CM ber a that loh chuan a bo tak tak thei chuang lo. Congress kan sawrkar a nih chuan kalphung tam tak siamthat a nih rualin, Chief Minister, Minister leh MLA-te corruption lakah an fihl$m ang,’ an ti a. Dan Rorelna (Rule of Law) chungchang ah Sawrkar hnathawhna leh thutl<kna siam kawngah te, Sawrkar hnathawk l^k d^n leh Contract hna p>kna kawngahte duhsak b$k leh thlauh thl^k b$k nei lovin dan ang taka an kal tur thu leh mipuite thlamuang leh him taka an awm theihna t<ra d^n leh thup>k kengkawh ngam Sawrkar siamin, d^n lova thil tihna reng reng chu man chhuah a nih chuan hrem lovin an chhuak lovang tih an tarlang bawk.

Langtlang sawrkar (Transparent Government) chungchangah Sawrkar chu mipuite ta, mipuite tana din a nih angin a hmalakna reng rengah langtlang takin a kal ang tih an tarlang a, Thuneihna semzai (Decentralisation) chungchang ah Mizoram k$lkh^wr ber atanga Aizawl kal ngai vek deuhth^w khawpa thuneihna Aizawla dahkh^wm tlat chu siam thain, mipui t^na tangkai z^wka hna an thawh theihna t<rin District, Sub-Division/Block, Municipal Body leh Village/Local Council-ah thuneihna leh mawhphurhna semzai a ni ang tih an tarlang a. Heng bakah hian Smart Government chungchang leh Sawrkar viak tha leh mipui rin ngam chungchang a hma an lakna turte pawh an tarlang bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar