Nikum chhungin TB vei mi 2082 hmuh an ni

Nikum chhung khan Mizoram-ah TB vei rinhlelh mi 17,315 te enfiahna atangin mi 2082 te chuan TB an vei tih hmuhchhuah a ni.

Nimin khan Aizawl-a DHS Conference Hall-ah National TB Elimination Programme hnuaia nikum Fourth Quarter (October - December) leh nikum chhung zawnga Mizoram-a TB dinhmun thlirletna neih a ni a, he huna tarlan a nih danin nikum 4th Quarter chhung khan Mizoram-ah TB vei rinhlelh mi 2827 te enfiah niin heng zingah hian TB vei mi 470 hmuhchhuah a ni a, MDR-TB vei mi 26 hmuhchhuah a ni bawk. Nikum chhung zawng khan Mizoram-ah TB vei nia rinhlelh mi 17,315 te enfiah ni bawkin heng atang hian mi 2082 te chuan TB an vei tih hmuhchhuah a ni bawk a, MDR-TB vei 113 hmuhchhuah ni bawkin an zinga 331 te chuan TB leh HIV an vei kawp a, hei hi TB vei hmuhchhuah atanga chhutin za zea 15.38 niin TB vanga thi mi 74 an awm bawk a ni.

TB damlo te chaw tha hmanga tanpuina Scheme, Community Support-ah tanpuitu mi 53 hmuh mek a ni a, Community Support hi sawrkar laipui Scheme niin TB damlo te chu thla 6 emaw, kum 3 chhung thleng chawtha hmanga tanpui theih a ni a. Mizoram chhunga TB damlo tanpui ngai mi 3000 dâwn ah Doner hmuh zat hi an la tlem hle a. State dangte lakah pawh Doner hi ala tlem hle a. NTEP chuan mi inphal tu pawh MLA te, sawrkar hnathawk te, sumdawng, Kohhran leh pawl hrang hrang te chu TB damlo tanpui tura penchhuak turin a sawm a ni. 

Comments

Popular News (Last 30 Days)

Vawiin-ah HSSLC Exam result

LPG man bithliah thar