MNF in Mizo National Day vawi 57-na an hmang

MNF Party chuan nimin khan Mizo National Day vawi 57-na chu Aizawl-a Mizo Hnam Run-ah an hmang.

Mizo National Day puala inkhawm neih ah MNF Sr. Vice President leh Deputy Chief Minister Tawnluia chuan MNF hruaitu hmasa mi 61 te khan March ni 1, 1966 ah Mizo Hnam zalenna turin Independent an lo puang tih sawiin, “Khawvel hian chawhchhiat pawh tum sela a theih tawh loh. Mizo hnam pumin min thlawp a ni,” a ti a. “Khawvel hriatah Zoram zalenna kan sual a, Political solution erawh Zoram mipuite duh danin India nen inremna neiin kan lo awm ta a ni,” aa ti bawk.

He hunah hian MNF Vice President Vanlalzawma pawhin Mizo National Day chu Mizoram Independent puan ni a ni tih sawiin, “March ni 1, 1966-a ram leh hnam tana pen-chhuak ho rilru kha i hre reng ang u,” tiin Independence an puan chhan chu he ram leh he hnam dam nan a ni tih a sawi bawk.