MNF in LMC inthlan atan Rally an buatsaih

MNF President leh Chief Minister Zoramthanga chuan Pathian in MNF dinchhuahna tur hun a ruat a thleng chho mek niin a sawi.

Lunglei Municipal Council (LMC) Inthlanpui neih tur atana inbuatsaihna atana MNF Sub-Hqrs. Lunglei in nimin-a kawngzaw (Rally) an buatsaih a hmanpuina ah MNF President Zoramthanga chuan LMC inthlanah MNF an chak ngei a rin thu leh kumtawp inthlanpuiah pawh chakna chan a beisei thu a sawi. “Lunglei mipuiin kan Candidate in lo thlantlin ngei ka beisei a. In inchhir hauh lovang tih ka sawi duh a ni. A hringtu kan ni a, hringtu ngeiin hnute tui-a a chawm seilen tluka tha a awm lo ang,” a ti a. Thuamluaia Mual-ah Flood Light dah a ni dawn tih sawiin, “Lunglei By Pass road atana cheng vbc. 10 dah khan a daih lo lutuk a, Lunglei khawpui tana hmasawnna turah hman a ni,” a ti a. By pass road zawhfelna daih tur chuan vbc. 330 vel a ngaih thu leh chutiang daih tur project siamin nawr mek a ni tih a sawi.

MNF President chuan MNF danglam bikna sawiin, “Pathian in MNF dinchhuahna tur hun a ruat a thleng chho mek. MNF beitute chu an ral zel a. Pathiani n a hun a tih chuan 2018-ah MLA 27 min pe leh mai a nih kha. 'Hnam thuthlung vuantu, thisena baptist, hnam thuthlunga a kaihharh kan ni,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man