Mizoram mamawh te sawrkar laipui-ah thlen

Commerce & Industries Minister Dr. R. Lalthangliana chuan nimin khan sawrkar laipui a mi pawimawhte kawmin Mizoram mamawh hrang hrang a sawipui.

Dr. R. Lalthangliana hian Ministry of Micro, Small & Medium Enterprise-a Secretary BB. Swain chu a Pisa-ah hmuin MSME Scheme hnuaia Mizoram District pali (4) a Flatted Factory Complex sakna (Construction) atana senso za zela sawmkua, cheng vbc. 44.8877 sawrkar laipuiin a sanction tawh release thuai tura dilna a thehlut a. He Complex sakna tur atana Mizoram sawrkar in a tum tur State Matching Share (SMS) cheng vbc. 4.4901 chu Mizoram sawrkar Finance Deparment chuan Administrative Approval March ni 9, 2023 khan a lo pechhuak tawh tih Secretary hnenah hian a hriattir a ni.

Higher & Technical Education changtu ni bawk Minister Dr. R. Lalthangliana hi EF&CC changtu Minister TJ. Lalnuntluanga nen Union Minister for Environment, Forest & Climate Change Bhupender Yadav-a Office-ah lengin Mizoram tana Environmental Clearance pe theitu body - State Level Environmental Impact Assessment Authority (SEIAA), July 18, 2022 a tawp tawh chu a body thar din (constitute) thuai turin an ngen a. SEIAA Body awm loh avang hian Kawngpui laih, Mining/Stone Quarry leh a dangte tan Environmental Clearance pekchhuah kawngah harsatna lian tak Mizoram State chuan a tawh mek thu an thlen a. Hei bakah hian Lengpui hmuna National Institute of Technology (NIT) sak mek Forest Clearance neih loh vanga tihtawp lailawk avanga harsatna chungchang thu an thlen bawk. Heng bakah hian sawrkar mi pawimawh dang thenkhat pawh a kawm bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man