Border Trade atan cheng vbc. 552.25 ruahman

Khawthlangtuipui bul Kawrpuichhuah-a Indo-Bangladesh Border Trade atan sawrkar laipui chuan cheng vbc. 552.25 a ruahman.

Parliament thutkhawm neih mekah Union Minister of Commerce and Industry Anupriya Patel-i chuan Mizoram Rajya Sabha MP K. Vanlalvena zawhna chhangin Tlabung Kawrpuichhuah-a Bangladesh nena insumdawn tawnna atan cheng vbc. 552.25 ruahman a ni tih a sawi a. Mizoram leh Bangladesh dawh zawmtu tur Kawrpui lui chunga Lei (bridge) dawhna tur DPR siam hna chu Bangladesh sawrkar kutah dah a nih thu leh Bangladesh in DPR an la zawh loh thu a tarlang bawk.

Lawngtlai to Paletwa kawngpui laih mek KMMTTP a Mizo-ram leh Myanmar inrina hmun Zorinpui-ah Border Trade Centre din tumna a awm em tih K. Vanlalvena zawhna pawh Union Minister chuan chhangin, kawngpui laih hna hi thawh mek a la nih chauh avangin Zorinpui-ah hian Border Trade din tumna a awm rih loh thu a sawi.

Comments

Popular News (Last 30 Days)

LPG man bithliah thar