Mizoram-ah Mobile Phone hmangtu an tam

Kum 2021-ah Mizoram-a cheng chu mi nuai 12 vel ni tura chhut a ni a, hetihlai hian Mobile Phone nei chu 14,83,213 an awm niin Ecomic Survey Report chuan a tarlang.

Biakhlatna veivak (Mobile Phone) pechhuaktu zingah Bharat Airtel chuan Mizoram-ah hmangtu an ngah ber a, mi 7,06,184 zetin hmangin Airtel dawta hmangtu ngah ber Jio chu Sim Card hmangtu 9,94,400 an nei a. BSNL hmangtu mi 2,08,056 an awm bawk a, Vodafone-Idea chuan hmangtu mi 1,02,573 an nei bawk a ni.

Mizoram District hrang hrang zingah Aizawl District-ah Mobile Phone hmangtu tam berin mi 7,27,524 an awm a, Lunglei District-in dawtin 2,32,422 hmangtu an awm bawk. District siam thar, Saitual, Khawzawl leh Hnahthial District-ah te hian Vodafone leh Jio hmang an awm lo ni a chhinchhiah a ni bawk.

Hetihlai hian kum 2021-2022 chhung khan sumdawng Bank-te a mipui pawisa dah leh loan an pekchhuah khaikhinna (CD Ratio) chu a tha lovin a hniam hle a, za zela 38.69 chauh a ni a. Mizoram sawrkar enkawl Mizoram Cooperative Apex Bank chuan CD ratio nei sang berin 70.64 a nei a. Mizoram Rural Bank CD ratio chu 59.30 a ni.

Comments

Popular News (Last 30 Days)

LPG man bithliah thar