Naktuk zan atangin Darlawn-an Kohhran Hmeichhe Inkhawmpui Lian neih a ni dawn

Mizoram Presbyterian Kohhran hnuaia Hmeichhia khawmpui lian, Zoram Kohhran Hmeichhe Inkhawmpui Lian vawi 50-na chu naktuk zan atang khian Darlawn khua ah neih a ni dawn.

Zoram Kohhran Hmeichhe Inkhawmpui Lian dawng tura Darlawn khaw inbuatsaihna chuan a vawrtawp thleng mekin Kohhran Hmeichhe Inkhawmpui Lian hi Pastor bial pahnih, Darlawn Pastor bial leh Darlawn Venghlun Pastor bial ten an in thlentawm tur a ni a, khawmpui neihna atan hian Darlawn GSA khelmual-ah Pandal sak niin Pandal pawh peihfel a ni tawh a, Pandal-ah hian mi 7,000 atanga 8000 vel leng tura ruahman a ni a, zanin hian Pandal hlanna inkhawm neih a ni ang.

Kohhran Hmeichhe Inkhawm Lian vawi 50-na ah hian Thupui atan ‘Pathian nena len dun’ (Mika 6:8) tih chu hman tur niin Speaker atan Rev. VL. Luaia Hranleh, Executive Secretary i/c Kohhran Hmeichhia a ni anga. Khawmpui hmang tur nawlpui te chuan naktuk-ah Darlawn hi thlengin Palai thlenkim zan atangin Inkhawm neih a ni anga, Inrinni-ah Darlawn Kohhran Biak In-ah Rorel Inkhawm neih tur niin Kumthar-a Kohhran Hmeichhe hruaitu tur thlanna neih a ni ang. He khawmpui-ah hian palai 12,000 vel kal tura beisei an ni.

Comments

Popular News (Last 30 Days)

LPG man bithliah thar