MUP Assembly Bawrhsap in a hmanpui

Mizo Upa Pawl (MUP) General Assembly vawi 49-na chu nimin khan Lunglei-a Saikuti Hall-ah neih a ni.

MUP General Assembly hi an pawl President KT. Chhawna chuan kaihruaiin he hun hmanpuitu Lunglei District Bawrhsap Ramdinliani chuan, “Upate hi in hlu in chhungkaw tan pawh malsawmna leh zahawmna thlen tu in ni,” a ti a. Tunlai thangthar tam zawk ten Upa te hlutna leh zah nachang kan hre ta lo chu pawi a tih thu sawiin, upa zawk te zahna kawngah tun aia hmalak nasat a ngaih thu a sawi a. Mizo Upa Pawl ten kan hnam tawng humhalhna kawngah nasa taka hma an la chu lawmawm a tih thu sawiin, tun aia nasa a hmala chhunzawm zel tur pawhin kal khawmte a chah bawk.

Mizo Upa Pawl (MUP) Lunglei-ah hian Unit 136 awm mekin Member 10,185 an inziaklut a, Hnahthial-ah Sub-Hqrs pakhat neiin kum 60 tling chin a duh piangte tan MUP-ah hian a in ziah luh theih a ni.