Mizoram-ah lirthei thar punna a sang

Mizoram-ah lirthei a pung chho chak hle a, Aizawl khawpui chhung (Aizawl DTO - Urban) ringawtah thla khata lirthei punna chu 1,500 chuang a tling a, MZ-01 ‘Z’ kal mek a zawh hunah MZ-01 AB-in a kal chhunzawm dawn nia thudawn a ni a. Hetihlai hian tun dinhmuna Aizawl DTO (Urban)-a lirthei awm zat chu 2,41,553 a tling bawk.

VAHAN Dashboard-a tarlan, ZALEN-in a zirchian danin tun dinhmunah Mizoram-a lirthei awm zawng zawng zat chu 3,45,258 niin heng zinga 2,23,679 chu Two Wheeler a ni a, Mizoram-a lirthei awm zinga 2,41,553 chu Aizawl DTO (Urban)-a awm niin heng zinga 1,66,514 chu Two Wheeler a ni bawk.

Kumin 2023 (January - March) chhungin Mizoram pumah lirthei register thar 5,803 awmin ehng zinga 4,143 te chu lirthei ke hnih nei a ni a, kumin a lirthei register thar zinga 4,023 te hi Aizawl DTO (Urban)-a registration tih niin an zinga 3,096 te chu lirthei ke hnih nei a ni bawk. Kumin January thla khan Aizawl DTO (Urban)-ah lirthei 1,573 registration tihthar awmin February-ah 1,577 leh March thla kal mekah 873 a awm bawk a ni. Mizoram pumah nikum chhung khan lirthei registration tihthar 27,165 awmin kum 2021-ah 25,377, kum 2020-ah 23,532 leh kum 2019-ah 31,114 a awm a ni.

Aizawl DTO (Urban) bikah nikum 2022 chhung khan lirthei registration tihthar 19,348 awmin kum 2021-ah 17,316, kum 2020-ah 15,489 leh kum 2019-ah 21,718 a awm a. Tunah hian Aizawl DTO (Urban) hnuaiah MZ-01 Z a kal mek a, chumi a zawh hnuah MZ-01 AB-in a kal chhunzawm dawn nia thudawn niin Lirthei registration-ah hawrawp A-Z hman thin ah hian O leh I (i) te chu hman tel an ni lo thung.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man