Latest News

LMC-ah Vote thlak a ni

Lunglei Municipal Council (LMC) Inthlanpui hmasa ber atan nimin khan mipui ten Vote an thlak ta a, he inthlanna a Vote tla te hi April 3, 2023-ah chhiar a ni ang.

Sawrkar in Lunglei Municipal Council (LMC) a din hnua inthlanpui hmasa ber hi Veng 24-a LMC Ward hrang hrang 11-an nimin khan neih niin zing dar 7:00 atangin Vote nei ten Vote an thlak tan a, Lunglei District Bawrhsap Ramdinliani chu District Municipal Election Officer atan ruat niin Inthlanna buaipuitu atan Presiding Officer 55, 1st Polling Officer 55 leh 2nd Polling Officer 55 ten inthlan hi an buaipui a, tlai dar 5:00 thleng khan vote zaa 72.03 a tla a ni.

LMC inthlanpui ah hian Political Party hrang hrang pali ten Campaign-na senso-ah Rs. 15,56,773 an seng a, Party mal-ah ZPM in seng tam berin Rs. 4,87,292/- an seng a, MNF in Rs. 4,77,625/- leh INC in Rs 4,22,466/- an sen bakah BJP in Rs. 1,69,390/- an seng bawk. Candidates zinga campaign nan a sum seng tam ber chu Ward No. 8-a INC Candidate Elizabeth Vaninmawii niin Rs. 87,530 a seng a, Ward No. 8 bawka MNF candidate C. Lalrindiki'n Rs. 73,175/- senga dawtin, Ward No. 9-a ZPM Candidate Zorinsanga Hmar in Rs. 71,620/- sengin a dawt leh bawk. Candidates zinga sum seng tlem ber chu Ward No. 5-a BJP Lalmuanpuii niin campaign nan Rs. 6,840 a hmang a ni.

Comments

Popular News (Last 30 Days)