Deputy CM in Tennis Court siam thar a hawng

Tuichang bialtu MLA leh Deputy Chief Minister Tawnluia chuan nimin khan Khawzawl Vengthar-ah Tennis Court thar a hawng.

Nimin-a hawn Khawzawl District Tennis Association (KZDTA) Tennis Court hi kum 1993 khan hman tan ni tawhin tunhnaiah Balaji Construction ten an Corporate Social Responsibility Fund (CSR Fund) hmanga a chhuat chhun zawl hna an thawhsak hnuin Bialtu MLA Tawnluia MLA Fund cheng nuai hnih hmanga cheithat (renovate) a ni.

Nimin-a he hun hmanna ah hian Deputy Chief Minister chuan Khawzawl in Tennis Court hmunhma nuam tak an nei thei chu lawmawm a tih thu a sawi a, Khawzawl in Mizoram huap Volleyball leh Badminton inelna lian a thlen mai bakah Mizoram Football Association (MFA) Cup 2023 thleng tura thlan an ni chu thil lawmawm leh chhinchhiahthlak tak a nih thu a sawi a. Khawzawl Vengthar-ah Auditorium changtlung tak din anih tur thu leh hnathawh tan thuai anih a beisei thu he hunah hian a sawilang bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar