Kum 2021-2022 ah Mizoram GSDP a pung hret

Mizoram mipui sum thawhchhuah chu kum 2020-21 atanga chhutin sawrkar kum 2021-2022 khan za zela 12.18 (12.18%) in a pung.

Tunhnai a Assembly-a Chief Minister Zoramthanga’n a pharh Economic Survey-a a lan dan chuan Mizoram mipui sum thawhchhuah (Gross State Domestic Product, GSDP) hi kum 2021-2022 khan cheng vbc. 19,036 leh nuai 83 ni tura chhut a ni a. A hma sawrkar kum (2020-2021) a Mizoram sum thawhchhuah chu cheng vbc. 16,969 leh nuai 85 ni tura chhut a ni. Mizoram mipui zinga tam ber, kuthnathawktu (Agriculture and Allied Services) in an thawhchhuah hi a pung na chungin GSDP pumpui atanga chhutin za zela 24.63 chauh a ni a. Industry pawh pungin za zela 25.09 a ni a. Sawrkar hnathawk leh Hotel bakah Service hrang hrang a thawkte thawhchhuah chu a tam ber a la ni a, Mizoram mipui thawhchhuah zawng zawng atanga chhutin za zela 50.8 a ni.

Economics lama mithiamte chuan Mizoram sum thawhchhuah ah ram puma mi za zela 70 velte thawhchhuah za zela 25 pawh a tling lo chu Economy hrisel tawk loh vangah an ngai a. Hmasawnna kairual loh vangah an ngai a ni.

Hetih lai hian Mizoram a cheng mi pakhat zelin kum khata a thawhchhuah (Per capita Income) chu kum 2021-22 sawrkar kum chhung khan Rs. 1,73,896/- a chhut a ni a. A hma tangka kum 2020-2021 khan Rs. 1,79,503/- anga chhut a ni a. Per capita Income a tlakhniam chhan hi COVID-19 hrilen hrin inkharkhip avanga hna an thawh tlem vang niin mithiamte chuan an ngai a ni.

Comments

Popular News (Last 30 Days)

LPG man bithliah thar