Deputy CM in bawlhlawh sawngbawlna tur tlawh

Deputy Chief Minister leh UD&PA Department changtu Tawnluia chuan Inrinni khan Khawzawl Darngawn ram a bawlhhlawh sawngbawlna tur, Solid Waste Management Centre sak mek chu a hmunah kalin a enfiah. Deputy Chief Minister chuan khawpui a than ang zelin kan khawsakna in a kentel bawlhhlawh pawh a pung tih sawiin, heng bawlhhlawhte hi mumal tak leh awmze neia sawngbawl a pawi-mawh tawlh tawlh dawn a ni, tiin helai hmunah hian Financial Year thar ah UD&PA Department kaltlanga hmalak chhunzawm tum a nih thu a sawi bawk.

Khawzawl Darngawn-a Solid Waste Management Centre atan hian a panna kawng siam zawh ni tawhin Main gate bakah bawlhhlawh tawih thei leh tawih thei lo thliarhranna tur hmun siam a nih tawh bakah Site Office leh Water Tanky te siam a ni tawh bawk a ni.