Khawbel leh Rullam inkar kawng laih thar hawng

Khawbel leh Rullam khua inkalpawhna tur kawng laih thar chu nimin khan bialtu MLA leh Minister Er. Lalrinawma chuan a hawng.


Kawng thar lawmna puala inkhawm Khawbel Community Hall-a neih ah Er. Lalrinawma chuan Khawbel leh Rullam inkar kawng chu chhiat that leh eizawnna lamah nasa taka an tangkai pui ngei a beisei thu a sawi a. Mipuite'n eizawnna ngelnghet an neih chu a ngaih pawimawh ber a nih thin thu leh hemi kawngah hian MLA Fund pawh hman thin a nih thu a sawi a, mipuite chu an bial tan thurawn te pe thin tur leh an hnen atanga duhsakna a dawn thin ah lawmthu a sawi bawk.

Khawbel leh Rullam inkar kawng thar hi KM 13-a thui niin MLA Fund bultuma laih a ni a, nimin-a he hun hmanna ah hian Khawbel VCP Hs. VL. Thlamuana chuan hmathlir thui tak nei Tuikum Bialtu MLA Er. Lalrinawma zarah leh khawtlang mipuite inpekna avangin mi ten ‘Nghawngkawl area’ an tih thin chu an kalsan mek tih a sawi a. He kawng lai enkawltute atangin H. Lalchhanhima chuan report a pe bawk a ni.

Comments

Popular News (Last 30 Days)

LPG man bithliah thar