I&PR Minister in hmanpui

Govt. Aizawl West College chuan National Assessment and Accreditation Council (NAAC) endikna a B++ Grade an hmuh lawmna leh an College Week kharna hun nimin khan hmangin I&PR Minister Lalruatkima chuan khuallian niin a hmanpui a, NAAC-in College an endiknaah College Campus hmunhma rualrem lo chu min ti hnufumtu an nih thin thu sawiin, khawpui chhunga College-te hmunhma tha zawk sawrkar hotuten an ruahman sak zel chu a lawmawm takzet tih a sawi a, Govt. Aizawl West College hmun-hma thar tihfel a ni thei chu lawmawm a tih thu a sawi bawk. Govt Aizawl West College hi May ni 2, 1990 khan din a ni a, zirlai 1098 leh zirtirtu 43 an awm mek a ni.