Grape Wine zawrhchhuah tan mek a ni

Grape atanga siamchhuah, Grape Wine te sawrkar ruahmanna anga zawrhchhuah phal a nih hnuah Mizoram hmun hrang hrangah zawrhchhuah tan mek a ni.

Mizoram pumah Grape Wine zawrh phalna hi mi 48 hnenah pek a ni a, District mala phalna pek tamna ber Aizawl District bikah chuan mi 19 hnenah pek ni mah se mi pakhat a inhnuhdawh leh avangin Vendor License nei mi 18 an awm mek a. Hnahlan leh Champhai Winery atanga Wine siamchhuah te hi sawrkar thupek angin Zu tel zat (alcohol content) hi 12% aia sang lo tur a ni a. Hnahlan winery atanga siamchhuah 'Ísabella' hi um khat (750 ml) chu Rs. 500 a ni ang a, Champhai Winery siam 'Çhamp wine' chu um khat Rs. 300 a ni thung ang a. Mizoram sawrkar chuan Grape Wine litre khatah Excise Duty Rs. 10 leh VAT 16% a la mek nia thudawn a ni.

Horticulture Department chhinchhiah danin nikum 2022 khan Hnahlan hian Grape quintal 1,500 tharin heta tang hian Rs. 90,00,000 an lei chhuak a. Champhai leh a chhehvela loneitu ten quintals 1,244.88 thar bawkin heta tang hian Rs. 68,69,899 an lei chhuak bawk a ni.