DC&MA Minister hna chelh thei ah ngai lo

Lawngtlai West bialtu MLA Ngunlianchunga chuan District Council & Minorty Affairs (DC&MA) Minister thar Robert Romawia Royte chuan a hna hi chelh thei nia a lan loh thu sawiin, “A chang dawn a nih chuan 17.06.2022-a Deed of Agreement DC&MA leh NECS ten an lo ziah tawh chu cancel tur a ni,” a ti.

Nimin-a Aizawl Press Club-a thuthar thehdarhtute a kawmna ah Lawngtlai West bialtu MLA Ngunlianchunga chuan March 16, 2023 khan DC&MA changtu Minister R. Lalzirliana chuan Autonomous Dictric Council area-a NGO te nawrna leh ngenna avangin a hna chanpual DC&MA chu Robert Romawia pek a ni tih a lo hriat thu a sawi a. June 17, 2022 khan DC&MA leh NECS te hian Deed of Agreement an ziak nia sawiin, “NECS neitu hi Vanlalfelpuia Royte s/o Robert Romawia Royte a ni. Heta neitu hi DC&MA Minister thar Robert Romawia Royte fapa nia hriat a ni,” tiin, “Hei hian sawrkar kalphungah leh Representation of People's Act 1951 Sec 9(A) a kalh a ni. Chuvangin, he Deed of Aggrement tal hi sawrkar hian a cancel tur a ni, a cancel dawn lo anih chuan he Portfolio hi Pu Robert Romawia Royte hnenah hian pek tur a ni lo,” a ti.

Lawngtlai West bialtu MLA chuan DC&MA kaltlangin Lawngtlai District tan PMJVK Scheme hnuai atanga cheng nuai 11376.39 hmuh chu a lawmawm rualin, ADC mipuite tan thawh ve tur awm lova 99% zet mimal firm kuta a lut chu lungchhiatthlak a tih thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man