Congress Party in LMC Candidate tur puang

Zonuna Kawlni /

Mizoram Pradesh Congress Committee (MPCC) President Lalsawta chuan Lunglei Municipal Council (LMC) inthlanpui lo awm tura an party Candidate turte chu nimin khan a puang.

Lunglei Congress Bhavan-a hemi puala inkhawm neih ah MPCC President Lalsawta chuan Congress Party Candidate turte chu ‘he ram in min ko a ni’ tih an pawm avanga Candidate pawm an ni tih sawiin, Thuneihna insemzai chu Congress Party chuan tha a tih thu sawiin, “Helai a tih theih reng Aizawl a kal fo a ngai te hi thuneihna semzai loh vang a ni,” a ti.

Congress Party chuan LMC-a Ward 11-ah Candidate siamin an chuh vek dawn a, Ward No. 1-ah V. Lalhlimzauva; Ward No. 2-ah Lalramzauvi Chawngthu; Ward No. 3-ah K. Lalsangpuia; Ward No. 4-ah Joseph R. Lalremngheta; Ward No. 5-ah Lalenkawli Pautu; Ward No. 6-ah C. Lalnunsanga; Ward No. 7-ah PC. Thanzama; Ward No. 8-ah Elizabeth Vaninmawii; Ward No. 9-ah CZ. Lalhmingmuana; Ward No. 10-ah Lalthanzauvi leh Ward No. 12-ah H. Lalnunmawia te an ni a. Hmeichhia Candidate an puan te hi Hmeichhia te tana hauh Seat chuh tur vek an ni bawk.

Comments

Post a Comment

Popular News (Last 30 Days)

FG&CC Counsellor dahnghet

Zonuna Kawlni /
Image
Mizoram Synod in Serchhip-a Family Guidance & Counselling Centre (FG&CC) a kalpui meka Counsellor tura ruat Rev. Jonathan Pachuau dahnghehna hun chu nimin khan Serchhip Kawnpui Kohhran Committee Room No. 2-ah neih a ni a, FG&CC Director Rev. Lalthangpuia Fanai chuan Counsellor thar hi dahnghetin Rev. Zai-remkima chuan tawngtai sakna hun a hmang bawk a ni. Rev. Jonathan Pachuau hi Counselling ah term hnih a awm hnuin Biate Pastor Bial enkawl tura dah a ni a, tunah hian Serchhip-a FG&CC ah dah leh niin Rev. Rolungmuana Zadeng chu a thlak a ni.
Kimchang zawkin »