Vawiin ah District Football Championship Final khel dawn
SDFA buatsaiha Serchhip Sports Complex-a khelh Serchhip District Football Championship 2023-ah hian Inrinni khan Semi Final khelh niin Semi Final hmasa zawkah FC Serchhip Kawnpui chuan an khingpui Vengchung FC chu 4-1 a hnehin Final an lut a, FC Serchhip Kawnpui tan Dennis Lalhruaitluanga chuan goal a khung hnuah Eric Remruatpuia chuan goal hnih khungin Felix Lalruatsanga chuan goal khat a khung a, Vengchung FC tan Huntharnghaka chuan goal hnih a khung bawk.
Semi Final hnuhnung zawkah Hmar Veng FC in Chanmari FC chu 4-1 a hnehin Final an lut bawk a, Hmar Veng FC tan Vanlalruatkima Ralte chuan goal hnih khungin Vanlalpekhlua leh Lalhunthara ten goal khat ve ve an khung a, Chanmari FC goal awmchhun hi Lalthang-mawia khung a ni bawk. Vawiin chawhnu dar 1:00 hian Final khelh a ni dawn a, Hmar Veng FC leh FC Serchhip Kawnpui ten Final hi an khel dawn a ni.