State Nutri-Garden Award semna Aizawl-ah nei

Social Welfare & Tribal Affairs leh Women & Child Development Department te tangkawp buatsaih, State Nutri-Garden Award chu nimin khan Minister Er. Lalrinawma chuan Aizawl-a Vanapa Hall a inkhawm buatsaih ah a sem.

    State Nutri-Garden Award semna hunah hian SW&TA Minister Er. Lalrinawma chuan Anganwadi-ah Nutri-Garden hmasawnna nasa tak a awm thu sawiin, Anganwadi Centre 1638 bawr velin Nutri-Garden an siam thei chu ropui a tih thu leh Centre 606 bawr velin Nutri-Garden an la nei mumal thei lo tih a sawi bawk a, a la nei lo te chu nasa taka hma la thar turin a fuih bawk.

State Nutri-Garden Award-ah hian Kolasib AWC-XII, Thingdawl ICDS Project chu pakhatna niin Serte AWC-I, Lunglei ICDS Project chu pahnihna leh Ngopa AWC-II, Ngopa ICDS Project chu pathumna an ni a. North Tinghmun AWC-II leh Chakang AWC-III, Siaha ICDS Project ten Consolation Prize dawngin District Nutri-Garden Award chu mi 33 hnenah hlan an ni bawk.