State Medicinal Plants Board hmalakna thlirho

Mizoram State Medicinal Plants Board Executive Body chu nimin khan an Chairman leh Health Minister Dr. R. Lalthangliana hovin an thukhawm.

He thutkhawm Secretariat Conference Hall-a neih ah hian Board Vice Chairman leh Principal Secretary Esther Lalruatkim bakah Member Secretary Dr. C. Lalzepuii leh Department hrang hrang atanga Member te telin State Medicinal Plants Board Mizoram hnuaia ramhmul damdawi chungchanga hmalakna hrang hrang an sawiho a ni.

State Medicinal Plants Board Mizoram hi National Medicinal Plants Board, Ministry of AYUSH GoI hnuaia din niin Chief Executive Officer (CEO) Dr. Lalkhawngaihi Renthlei niin Directorate of AYUSH hnuaiah a awm a. Mizoram chhunga ramhmul damdawi humhalh, tihpun, hmasawnna leh a kaihhnawih thil hrang hrang buaipui lam hna thawkin, chutiang hmasawnna hrang hrang zingah chuan Herbal Garden School thlanchhuah 52-a dinte, KVK Serchhip District leh Mamit District nena tangkawpin ramhmul damdawi chi tha zawk neih theihna tur Nursery din leh ramhmul damdawi rampum huap campaign ‘Nation-Wide campaign on Withania somnifera A health promoter in the state of Mizoram’ neih te chu an hmachhawp langsar zualte an ni.