State mamawh ang Central in a pe zel tih sawi

BJP Spokesperson leh National Women Empowerment Committee-a Chairman Dr. Heena Vijay Kumar Gavit MP chuan Central chuan State-ah eng pawh sawrkar se an mamawh ang chu a pe zel niin a sawi.

    Inrinni-a Aizawl BJP Office-a thuthar thehdarhtute a kawmna ah Dr. Heena Vijay Kumar Gavit chuan he thu hi sawiin, tha taka sum lokal hman chu State tih tur a nih thu leh a hmang tha chu an vannei mai niin a sawi a, “Ngaihtuahna hmang, mipuite ngaihtuahtu hruaitu an awm chuan kawng a awm zel mai a ni,” tiin Central Sawrkar chuan State tin te hmasawnna a ngaihtuah thu leh Northeast State te hman tur Budget pawh tihpun anih thu a sawi a, State tin te hmasawnna chu sawrkar laipui duh dan a nih thu a sawi bawk.

Dr. Heena Vijay Kumar Gavit chuan Mirethei-ten ei tur an tlakchham loh nan PM Garib Kalyan Anna Yojana hnuaiah kum khat dang a thlawnin chaw lam chi sem a ni dawn tih sawiin, hemi atana sum sen ngai cheng vbc. nuai 2 vel chu sawrkarin a tum ang tih a sawi a. Pradhan Mantri Awas Yojana (PMAY) atana sum ruahman chu zaa 66-a ti sangin cheng vbc. 79,000 dah a nih thu a sawi bawk.