LENKAWL ADS (Computer zir duh tan 6) :

ZPM Thalaite chuan cheng nuai 57 chuang sen ralna, Kolasib Dum lui-a SEDP Pilot Project Chakai Farm-ah Chakai hmuh tur a awm lo niin an sawi.

ZPM Thalaite hian tunkar Thawhtanni khan Kolasib Dum lui-a SEDP Pilot Project Chakai Farm hi an tlawh thu leh cheng nuai 57 chuang sen ralna, Chakai 48,000 vel awm theihna tura ruahman ah hian Chakai hmuh tur a awmloh thu leh Chakai awmna tura ruahman ah te hian Dhania, Behlawi leh Broccoli-te chin a nih thu an sawi a. “Chakai awmna tura ruahman Plot thum atanga Plot hnih-ah chuan Tui pawh a awm lova, Plot dangah chuan thlai chi hrang hrang chin niin, Kolasib Dum lui-a Chakai Farm hi MNF sawrkâr hmasaka Falkawn Referral Hospital-a Ar vulh nen khan thil thuhmun a ngaih theih a ni,” tiin hetianga Chakai Farm kalpui a ni hi ZPM Thalai chuan pawi an tih thu an sawi a. “SEDP Trade-ah hial Chakai Farm chu mipuite thlan theih tura telh a nih tawh laia, a sulsutu Chakai Farm-ah pawh Chakai pakhatmah hmuh tur awm lova hetianga a zuiral leh si hi pawi kan ti a, MNF sawrkârah hian kuthnathawktute khaichhuah tumna tak tak hi a awm lo em ni? tih hi kan zawhna a ni,” an ti bawk.