Hmunpui-a Mau chin a puitling tan mek niin sawi

MNF Party chuan Ex-MNF Multi-Purpose Cooperative Society hmalaknaa Hmunpui ram-a Ex-MNA Bamboo Plantation-ah Mau kung 55,000 chuang a to tawh nia sawiin, a puitling mek niin an sawi.

    MNF Media aiawh leh Ex-MNA hruaitute bakah Journalist thenkhat te chuan Hmunpui ram-a Ex-MNA Bamboo Plantation hi nimin khan an tlawh tih MNF thuchhuah chuan tarlangin, he Bamboo Plantation hi hectare 170-a zau a nih thu leh Ex-MNA Multi-Purpose Cooperative Society chuan a tirah Mau kung 80,000 vel an phun atangin kung dam, puitling mek 55,000 - 60,000 inkar a awm tih an sawi a, Mau chi hi D. Brandisii leh D. Sikkimensis niin July 2021 khan an phun tan thu an sawi bawk. Bamboo Plantation enkawltute sawi danin Mau nghah puitlin chhungin Bamboo Shoot Preservation atan Khawl bun tura ruahman a ni a, Rawtuai Tin siam thlengin hmachhawp a ni a. Hei bakah Charcoal Briquette siamna khawl bul tum a ni bawk a, hemi atang hian Mau vinegar lain damdawi atan hman tum a nih thu an sawi a. Rua hi a puitlin tak tak hunah chuan Bamboo Processing Industry din tura hmachhawp a ni a, Central sawrkar lam pawh biak an ni tawh tih an sawi bawk.