Ramhmul damdawi chinna hectare 373-a zau ah siam

Kum 2015 atanga 2021 chhungin Mizoram chhunga ram hectare 373-a zauah Ramhmul damdawi (medicinal plant) chinna hmun siam a ni tawh.

    Parliament Session neih mekah nimin khan Union Minister of Ayush Sarbananda Sonowal chuan Ayush Department hmasawnna tura India sawrkarin Mizoram sawrkar a tanpuina a pek dan Mizoram MP K.Vanlalvena zawhna te chhangin Sonowala chuan he thu hi a tarlang a. Ramhmul damdawi chinna hmun venhimna leh humhalh kawnga hmalakna atan Mizoram Forest Department te Project siam nuai 190.77 chu Central sawrkarin a approved sak thu leh First Instalment atan nuai 76.30 pawh Mizoram sawrkar hnenah pek a nih tawh thu a tarlang bawk a ni.

Hei bakah hian Aizawl-ah khum 50 awmna tur Ayush Hospital dinna turin First Instalment-ah nikum ah cheng nuai 69.609 pek a nih thu leh Second Instalment atan cheng nuai 100 approved thar leh tawh a ni tih a sawi a. Saitual-ah Ayush Hospital dinna turin cheng nuai 100 approved a nih tawh thu Minister hian a sawi bawk a ni.