Latest News

MSSSB Chairman an dang

Mizo Zirlai Pawl (MZP) chuan January thla ralhmaa Mizoram Subordinate Services Selection Board (MSSSB) Chairman bàn tura sawrkar an phûtna a hlawhtlin loh avangin nimin khan MSSSB Chairman Pisa kai dan tumin Mizoram Secretariat kawt-ah an pungkhawm.

    He punkhawmna ah hian Aizawl College hrang hrang zirlaite telin, MSSSB Chairman chu Mizo thalaite duhsak tawklo leh hnam thinlung pu lo a Mizo thalaite hmakhua ngailo ah puhin bang tura an duh thu an aupui a. MZP President Lalnun-mawia Pautu chuan Mizo thalai thiam tak tak hna zawng mek an awm tih sawiin, Mizo thalai thiam leh hna hmu tlak te an luh ve zel theih chu MZP in an duhdan a nih thu a sawi a, tuna an punkhawm chhan, an hna lak chu State dang atanga dil theih a ni lo tih sawiin, State Quota a nih avangin Mizo ngei tling se an duh tih a sawi a. CADC leh Autonomous Council danga hna lakah te Mizo tthalai tlin a harsat thin avangin State sawrkar hna lakah chuan Mizo ngei tling se an duh thu a bawk.

MZP President chuan MSSSB in tunhnaia an hna lakah hnamdang an awm thin avangin MSSSB chu tha taka an ngen thu leh tunhnaia hna lakah hnamdang mi 3 an la leh chu hriatthiam har an tih thu a sawi a. DP&AR in Mizoram Sawrkar hna laka Recruitment Rules a neih mek chu siam-that ngai lai tam tak a awm tih a sawi bawk.

Hetihlai hian MSSSB Chairman Ramhmangaiha Ralte chuan hnamdang duhsakna hranpa an nei ngailo tih sawiin, Recruitment Rules awmsa angin an kal tih a sawi a, Interview Board-ah pawh amah leh Member pakhat bakah sawrkar lam atanga mithiam an rawn ruat pakhat an thu thin tih a sawi a. MSSSB chuan exam zawh apiangin chhanna chu website-ah ni 3 chhung an tarlang thin tih a sawi bawk.

Comments

Popular News (Last 30 Days)