Lok Adalat thutkhawm nei
Inrinni kaltaa Serchhip-a Lok Adalat thutkhawm hi Serchhip District Court-ah neih niin thubuai 77 zet ngaihtuah tur lut a awm a, heng zinga 49 te hi Bank-a pawisa ba chungchang niin a dang 28 te chu Civil Case a ni thung a. Bank a pawisa ba kaihhnawih thubuai 49 zinga 10 ah te inremna siam niin hei hi Rs. 24,53,266/- hu a ni a, Civil Case-a thubuai 28 zinga 17-ah inremna siam ni bawkin Rs. 33,63,310/- hu a ni bawk a. Heti hian tun tum Lok Adalat neiha thubuai lut 77 zinga inremna siam 26-a pawisa hlut zawng chu Rs. 58,16,576/- a ni.
Ramchhunga Lok Adalat thutkhawm neih rual hian Mizoram State Legal Services Authority kaihhruaina in Mizoram-a District 8-ah te pawh Lok Adalat thutkhawm hi neih a ni a, tun tumah hian thubuai ngaihtuah tur lutkhawm 695 awmin heng zingah hian mimal pawisa in puktir rul leh thei lo thubuai te, Bank Loan rul tha thei lo thubuai te leh Civil thubuai hrang hrang te a tel a. Mizoram pumah thubuai 317 chinfel niin Lok Adalat in a rel theih thubuaite hi Criminal Compoundable Case te bakah Civil Case chi hrang hrang an ni.