DGP in PTS-ah hawng
Sawrkar laipui Ministry of Finance atanga National Fund for Control of Drugs Abuse (NFCDA) hnuaia sum hmuh Rs. 72,73,459/- hmanga sak Hospital leh ngawlveite awmna tur (addict barrak) leh Medical Infirmary tihzauh hna hi June 27, 2022 khan thawh tan a ni a, nikum Nov. 30 khan thawh zawh a ni.
Mizoram DGP chuan PTS Thenzawl a 69th Batch Recruit Constable Basic Training nei mek mi 261 leh Head Constable (Operator) Training mek mi 10, an vaiin mi 271 te chu a kawm nghal bawk a, Police chhungkua a Drugs leh Zu ti an awmin Police hming an tihchhiat avangin ruihtheih thil lakah fihlim turin Police te chu a chah a. Police Training lai te chu zirna chhunzawm duh an awm chuan Open-a chhun-zawm dan te zawn tha a tih thu te, Police ten Mizo Society-ah kawng hrang hrangin pawimawhna lian tak an nei tih hriaa Society venghimtu an ni tih hrereng turin a fuih bakah Police Training mek te chu theihtawp chhuaha an training te tha taka ti tur leh Police tha leh rintlak ni ngei turin a chah bawk. PTS Thenzawl-a Police Constable Training mek te hi Police tanglai boral avanga an chhungte sawrkar in Compasonate Ground-a a lak te an ni.