Latest News

Lirthei kum 15 chian hman theih tawh dawn loh

Kumin April 1 atangin lirthei registration kum 15 tling tawhte chu hman chhunzawm theih an ni tawh dawn lo a, hei hian mimal lirthei te erawh a huam dawn lo thung a ni.

    Sawrkar laipui-a Ministry of Roads Transport & Highway (MoRTH) tarlan danin, Central Motor Vehicles Rules chu tihdanglam a ni a, chumi ang chuan April ni 1, 2023 atang chuan motor registration kum 15 tling tawhte chu hman chhunzawm theih an ni tawh dawn lo a ni. He thil hi Pollution Control a nih theihna tura hmalakna pakhat nia ngaih niin, chumi lama hmalatu Environmentalist te tan sawrkar hmalakna tha tak nia ngaih a ni a. He kalphung thar tur hi Mizoram-ah pawh hman nghal tur a ni dawn a, kalphung thar tur hian mimal lirtheite erawh a huam dawn loh bakah Army Vehicles pawh a huam tel lovang.

He kalphung thar hnuaiah hian Central Government, State Governments, Union Territories, Corporations, State Transport, PSUs (Public Sector Undertakings) leh Autonomous Institutions te lirthei Registration kum 15 tling chin te chu kumin April ni 1 atangin an registration cancel vek an ni ang.

Comments

Popular News (Last 30 Days)