Kan ngaihtuahna her danglam a tul - Chief Minister

/

Chief Minister Zoramthanga'n Mizoram-ah leilung hausakna haichhuah tur tam tak a awm thu leh chumi tur chuan ngaihtuahna her danglam a tul thu a sawi.

    National Bank for Agriculture and Rural Development (NABARD) in niminpiah-a State Credit Seminar an buatsaih a hmanpuinaah Chief Minister chuan he thu hi sawiin, NABARD in State hmasawnna atana hma an lo lak tawhte chu lawmawm a tih thu te, State in chak zawk leh rualkhai taka hma a sawn theih nan Bank te an pawimawh thu te a sawi a. State dangte khaikhin chuan Mizoram chu la naupang tak, hmasawnna kawngah pawh puihna tam tak mamawh a nih thu sawiin, Bank-te chu Financial Literacy inzirtirna uar zel a, Mizoram hmun hrang hrangah zau zawka an inzarpharh zel a pawimawh thu a sawi bawk. 

Aijal Club-ah Seminar-ah hian Chief Secretary Dr. Renu Sharma pawhin NABARD chu sawrkar tan thawhpui tha tak a lo nih thin dan a sawi a. Awlsam zawka loan pekchhuah a nih theih nan leh Credit System tha zawk a awm theih nan te hmasawnna tur tam tak a awm thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »