Kolasib DC in kawng siam hna thawktute kawm

Khamrang leh Vairengte inkar kawng thawmthat hna chak zawka kalpui a nih theih nan kawng siam hna viltu NHIDCL leh hna thawktu M/S Ratna Infrastructure Private Ltd. leh Sadguru Pvt. Ltd. te chu nimin khan Kolasib DC John LT. Sanga chuan a Pisa-ah a kawm.

    He inkawmna ah hian Kolasib DC chuan Kolasib chu Mizoram State luhka pui a nih angin Mizoram hmel lanna pawimawh tak a nih thu a sawi a. Kolasib District tan tlanga National Highway awm te chu zinmite zawh tam ber pawl a nih angin tha taka thawmthat a pawimawh thu leh Ratna leh Sadguru hotute chu Fur a rawn thlen hmain kawngpui thawmthat hna thawk vat turin a hrilh bakah inremna an lo ziah tawh angin hunbi tuk chhunga an hna chu thawk zo ngei ngei turin Ratna leh Sadguru hotute chu a chah bawk.

Ratna leh Sadguru hotute sawi danin Rel kawng siam avanga bungraw rit tak tak phur motor lian tam vang te, tuihawk luankawr mumal awm lo leh bawlhhlawh in a hnawh phui thin vang te leh kawng siam laia lirthei tlan lui an tam thin avangin kawng chu a tlo tur angin a tlo loh phah thin a. Sadguru chuan Khamrang leh Kawnpui inkar kawng chu February 20 hmain siam zawh hman an tum thu sawiin, Ratna chuan Vairengte leh Bilkhawthlir inkar kawng chu March 15 hmain siam zawh an inbeisei thu an sawi bawk.