CM leh CS te nen inkawm

Mizoram-a rawn zin National Defence College Faculty, Ministry of Defence aiawh leh Course Members bakah ram 6 - France, Bang-ladesh, Oman, Japan, Uzbekistan, Bhutan atanga Army lokal te chu nimin khan Chief Minister Zoramthanga chu CM Office Conference Hall-ah an kawm a, Chief Minister chuan Mizoram chu defence thlirna atang pawha hmun pawimawh tak a nih dan te, history atanga thlir pawhin rei tak rambuai atanga remna leh muanna tluantling nei ta kan nihna chu thil chhinchhiah tlak a nih thu te a sawi bawk.

Hemi hma nimin chawhma lam khan heng Sipai hotute hi Chief Secretary Dr. Renu Sharma chuan Secretariat Conference Hall-ah a kawm a. Mizoram chu State ralmuang leh hmun nuam tak a nih thu sawiin, Eco-Tourism Industry-ah haichhuah tur tam tak a awm thu a sawi a, Mizoram-a an cham chhungin Mizo-ram dinhmun hrang hrang zir a, hun hlawk tak an hman nan duhsakna a hlan a ni. He hunah hian NDC aiawhin Major General Hari B. Pillai chuan Mizoram sawrkarin hneh taka a lo dawnsawn avangin lawmthu a sawi bawk.