House-ah lawmthu sawina Motion pawm a ni

Nimin-a Assembly thutkhawm ah Champhai North bialtu MLA, Dr. ZR Thiamsanga'n Larsap thusawi chungchanga lawmthu sawina motion a putluh chu sawiho a nih hnuah pawm a ni.

    Motion sawihona ah hian MNF kaihhruai Mizoram Sawrkar Flagship programme, SEDP chuan sawi a hlawh hle a. Rorel lai member-ten COVID-19 hri leng vanga harsatna hrang hrang a thleng chunga inthlan hmaa an lo tiam tawh anga SEDP sem chhoh mek a ni chu lawmawm an tih thu an sawi hlawm a. Myanmar leh Bangladesh atanga Zohnahthlak raltlante Sawrkar-in hmangaih taka lo tuamhlawma zirna thlenga pek an ni te chu thil lawmawm tak a nih thu an sawi a. Sum leh pai harsatna thleng mek kara hmasawnna hna theih ang anga thawh chho zel a ni te chu lawmawm an tih thu an sawi bawk. Eptu member-te chuan inthlan hmaa an intiam ang ni lova SEDP sem a ni chu tha lo an tih thu an sawi ve thung a ni.