Health Minister in hmanpui

Health Minister Dr. R. Lalthangliana chuan nimin khan Aizawl Chanmari YMA Hall-ah AVBD, MSACS leh Model Blood Bank Aizawl te huaihawta Valentine's Day  puala Thisen pek runpui neih chu a hmanpui a. Minister chuan Valentine's Day (inhmangaih tawnna ni) den-chhena thisen hlu tak petute chu midangte tana nunna chhantu an ni tih sawiin, “Hnam dangte aiin Zofate hian mahni mihring puite tana inpekna kan nei nasa hi chunglam pawh a lawm ngei ang tih ka ring tlat a. Thisen hlu tak petute hi in ropui ka tiin, lawmthu ka sawi tak meuh a ni,” a ti bawk.