‘Hlunsanga Malsawmna Scheme’ hawn a ni

Zonuna Kawlni (LENKAWL) • February 1, 2023 • Comments • Mizoram

Lengteng bial chhunga rangva In la nei lo te neih tir vekna tur Scheme, ‘Hlunsanga Malsawmna Scheme’ chu nimin khan Lengteng bialtu MLA Dr. L.Thangmawia chuan Kawlkulh khuaa Hlunsanga (L) te In ah a hawng.

    Zofate Independence puanna a hming ziaktu zinga tel Hlunsanga hming chawia buatsaih he Scheme hawnna hunah hian Dr. L. Thangmawia chuan Sawrkarin UT hun lai atangin khawsak harsa zawkte tan Scheme tam tak duangin hma tam tak la tawh mah se tun thlengin In dinglai, rangva In la nei lo a la awm nual a, chung bikte chu Phase I-ah dah an ni tih a sawi a. BDO Ngopa leh BDO Khawzawl ten Survey an neihah Lengteng bialchhungah In ding lai 28 chu rangva In chung la nei lo an ni a, he survey a telh hmaih rangva inchung la nei lo te pawh telh belh zel an ni dawn a, kumin 2023 chhung ngeiin Phase I hi zawh hman tum a ni ang.