MYC Youth Centre hawng

Zonuna Kawlni (LENKAWL) • February 1, 2023 • Comments • Mizoram

Cheng nuai 400 senga sak Mizoram Youth Commission (MYC) Youth Centre chu nimin khan Mizoram Youth Commission Chairman Dr. Vanlaltanpuia chuan Lunglei Theiriat-ah a hawng a, Lunglei leh chhimlam District thalai ten tangkai taka an hman theih nana MYC Youth Centre hawn a ni ta chu lawmawm a tih thu a sawi a, Youth Centre din nana hmalatu sawrkar hmasa hnenah lawmthu a sawi bawk. MYC Chairman chuan MYC chu sawrkarin thalaite hmasawnna tura a din a nih thu pawh sawiin, MYC hmalakna hrang hrangte pawh he hunah hian a sawi bawk. Nimin a hawn tak Lunglei a MYC Youth Centre sakna atana Project Amount hi cheng nuai 400 niin chhawng li a ni.