District Hqrs. tinah bawlhhlawh sawngbawlna din dawn

Zonuna Kawlni (LENKAWL) • February 15, 2023 • Comments • Mizoram

UD&PA changtu Deputy Chief Minister Tawnluia'n Mizoram-a District Headquarters zawng zawngah bawlhlawh sawngbawlna hmun 'Solid Waste Management Centre' din turin hmalak mek a ni tih House a hrilh.

Nimin-a Assembly Budget Session-ah member te zawhna leh zawh belhna te chhangin Deputy Chief Minister chuan, tun dinhmunah Aizawl leh Kolasib-ah Solid Waste Management Centre a awm tih a sawi a, District Headquarters bakah Notified Town ah te pawh a dinna tur hmun en mek a ni tih a sawi a. Hualngohmun a Solid Waste Management Centre din mek chu Special Assistance atanga hmuh cheng vbc. 16 senna tur a ni a, PWD kutah pek niin, Tender chhuah a ni tawh a, Final Stage-ah a awm tawh.

Tuirial-a Solid Waste Management Centre chu AMC enkawl a ni a, Industrial Gowth Centre-ah a hmun neih fel a nih tawh bakah Sihphir lamah pawh a hmun zawn mek a ni.