ZMC lamah City Bus service

Aizawl leh Muallungthu inkar-ah nimin zing atang khan Aizawl City Bus service tir tan niin Health Minister Dr. R. Lalthangliana chuan ACBOA Office kawt, Ngaizel atangin a vailiam a. ZMC pan ngai damlo leh damlo awmpuitute bakah damlo kantute zinga a tam zawk tan Taxi hman a hautak deuh thin avangin chuanman tlawm zawk City Bus service awm thei se tiin duhthu an sam thin thu leh a hlawhtlinna kan hmu ta chu lawmawm a tih thu a sawi a. Civil Hospital, Aizawl-ah khum dah belh a harsat tawh avangin ZMC lamah damlo in admit a ngai thin a, khum 500 a awm bakah Cabin engemawzat siam mek a nih thu a sawi bawk. Ngaizel leh Muallungthu inkara City Bus chuanman hi Rs. 50/- a ni ang.