Champhai DC hovin hmalakna tur sawiho a ni

Champhai District Bawrhsap James Lalrinchhana leh Champhai District All NGO Committee hruaitute nimin khan Champhai District tana hmalakna tur pawimawh hrang hrang an sawiho.

He sawihona hun DC Conference Hall-a neih ah hian Champhai DC chuan Sawkar hnathawk leh NGO hrang hrangte chu mipui rawngbawl tur leh an hmakhua ngaia theihtawp chhuah tur an nih thu sawiin, mipui aiawh an nihna inhre chungin ram leh hnam tana tanrual thiam a pawimawh thu a sawi a, District hmasawn turin tanrual a pawimawh thu a sawi bawk.

He thutkhawm ah hian Keilungliah tuikhuah enkawl leh venhim chungchangte, Champhai khawpui chawmtu khawchhak Tuipui hnar humhalh leh tuihna tlem zel ven kawnga hmalak te bakah Road Safety Committee, Ruihhlo do kawnga hmalakna hrang hrangte, Consumer Forum tih chak, Traffic Management leh Swadhar Greh chungchanga hmalakna te sawiho a ni.