Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

‘Meichher’-a thu ziak tha te chawimawina hlan

Mizoram sawrkar School Education Department Thlakip chanchinbu ‘Meichher’ chanchinbu-a thu leh hla lam thawh thate chawimawina, Best Article of the Year leh Meichher Best Contributor of the Year semna chu nimin khan neih a ni.

Directorate of School Education Conference Hall, Education Centre Aizawl-a he hun hman hi School Education Department-a Director Dr. H. Lalthlangliana chuan kaihruaiin Secretary, School Education Department Dr. Lalzirmawia Chhangte chuan khuallian niin a hmanpui a, tun tumah hian Best Article of the Year-a lawmman pakhatna chu TC. Jonunsânga (Lunglei Venglai) hnenah hlan niin JH. Ngûrzâmpuia (Bethlehem Vêng, Aizâwl) leh Zalianthanga (Tahan, Myanmar) ten pahnihna leh pathumna an dawng bawk a ni. Hei bakah hian Meichher Best Contributor of the Year chawimawina chu mi 7 hnenah hlan niin Ramhluna Hnamtê (7), Familia Fânai Laltansânga (4) leh Article pathum ziaktu R.Lalrâwna, B.Lalthangliana, Zirsângkima leh Mahmuaka Chhakchhuak te an ni.

Meichher hi a tîrah ‘Zoram Êng’ tiin kum 50 dawn liamta kum 1975 March & April thla khan bultan a ni a, kum 1975 October thla chhuak atangin ‘Meichher’ tia a hming thlâkin tun thlengin tichhuah ala ni a, kumin January thla thleng khan bu 779 tihchhuah a ni tawh a ni.

Comments

Popular News (Last 30 Days)