Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Lirthei chesual-ah CADC-a MDC 2 boral

Nimin zing khawvar hma deuh khan Chawngte atanga Aizawl pana tlan Gypsy pakhat chu Aizawl luh dawn Trinity Hospital bul, Melthum quarry thlangah chesualin mi pathum an thi a, an zinga pahnih te hi Chakma Autonomous District Council (CADC)-a MDC nilai an ni.

Thudawn danin he Gypsy hian Pathianni tlai dar 4:00 vel khan Chawngte atangin Aizawl a pan a, he Motor-ah hian mi 5 chuangin CADC-a MDC leh Motor neitu Lakhan Chakma chuan a khalh a, nimin zing dar 4:30 vel khan Trinity Hospital chhak, Melthum huamchin quarry bul kawngkawi ah tlanliamin a kang zui niin a lang a, vanduaina thlenna hmunah hian motor-a chuang mi panga zinga mi pathum boralin heng te hi Mohesh Baron Chakma (40), CADC-a Ajasora bialtu MDC; Charan Singh Chakma (38), CADC-a Ugudasury 'S' bialtu MDC leh Sandro Tongchongya (46) te an ni a, lirthei khalhtu Lakhan Chakma (39) leh Dillip Kumar Chakma (45) ten hliam tuarin Trinity Hospital panpui an ni bawk.

He vanduaina thlenga thi te ruang hi ZMC-ah Postmortem niin Melthum Branch YMA chuan kuang an siam sak a, nimin vek khan Chawngte panpui nghal an ni.

Comments

Popular News (Last 30 Days)