Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mizoram in Buhtun tharchhuah kawngah hma sawnin hmalakna kalpui zel a ni dawn

Agriculture Department Asst. Director Simon Rosangliana’n Mizoram chuan Buhtun tharchhuah tam kawngah hma a sawn zel niin a sawi.

    International Year of Millets 2023 puala AIR Correspondent-in a kawmna ah Agriculture Asst. Director chuan Mizoram chu sik leh sa nuam tak, thil chin that duhna hmun a ni, a ti a. Mizoram leilung chu Buhtun that theihna hmun a ni tih sawiin, Department pawhin Buhtun tharchhuah tam kawnga hmasawnna a awm theih nan theihtawp a chhuah thin tih a sawi a. Buhtun tharchhuak tam turin theihna an nei tih sawiin, Mizoram chu ruahtui tha leh boruak tha awmna hmun anih avangin hmun tha a ni tih a sawi a ni.

Simon Rosangliana sawi danin Mizoram-a Buhtun chin chu chi hnih a ni tlangpui a, Buhtun chi dang chu chin a la ni lo tih sawiin, Mizoram-ah hralhchhuah kawnga harsatna a awm thin avang leh thlai chingtute zingah hmelhriat an la tam loh avangin a chi hrang a la tam lo tih a sawi.

Agriculture Asst. Director chuan Department in thlai chingtu te’n Buhtun an hmelhriat tam theih nan mithiam zirtir thei tur a ngaihtuah tih pawh sawiin, chingtu an tam chuan hriselna kawngah leh taksa tana tha tharchhuah tam kawngah State in hma a sawn dawn tih a sawi bawk a ni.

Mizoram-ah tun dinhmunah buhtun hi District 4-ah chin a ni a, Sawrkar laipui chuan Buhtun ching uar turin ram mipuite an duh thu sawiin, Mizoram sawrkara Agriculture Department pawhin tun thla ni 16 atangin beihpui a thlak dawn a ni.

Comments

Popular News (Last 30 Days)