Thenzawl-ah Heroin Hawng 7 zet man a ni

Serchhip-a Excise & Narcotics Department-a thawktute chuan nimin khan Serchhip District chhunga Thenzawl khua ah Heroin No. 4 Hawng 7 zet an man.


Excise & Narcotics Department-a thawktute hian nimin khan Thenzawl khua ah Duty neiin heng Heroin No. 4 te hi an man a, he thil-a inhnamhnawih a puh mi pathum pawh man nghal niin thubuai siam sak nghal an ni a, an damdawi man te hi a vaiin gram 87.54-a rit niin tun dinhmuna tualchhung a hralhna rate anga chhut chuan cheng nuai 2 chuang man vel nia chhut a ni. He thil kaihhnawiha man tak te hi Lalrinkimi (25), UPC Veng Thenzawl te; Vanneihtluanga (20), Vacha Dil Veng Thenzawl leh Lalrinliana (37), Vacha Dil Veng Thenzawl nia insawi te an ni a, heng mite hi nizan khan Serchhip-ah rawn lakchhoh nghal niin ND&PS Act hnuaiah thubuai siam sak an ni a, Vawiin hian District Court-ah hruai an ni ang. Thenzawl Joint YMA Ruihhlo Do Squad te chuan tunhnaia Thenzawl-a ruihhlo an man ah tun tum hi tumkhata man tam ber a ni tih an sawi a, Lalrinkimi hi a neitu ber nia an hriat thu an sawi bawk.

Comments

  1. An hmel hmai te hi tihlan theih nise a van tha ve aw....kuhva ro phurtu te mah kan ti mualpho zel duh a,a ai a sual lian zawk khawihtu te hi chu tih mualpho ngam ni se a va tha ve

    ReplyDelete

Post a Comment

Popular posts from this blog