MSU in Bangladesh atanga raltlan te an tlawh

Mizo Students' Union (MSU) General Headquarters hruaitute chuan Mizoram chhimthlang lama Bangladesh atanga rawn raltlan te tlawhin tanpuina an hlan.

MSU hruaitute hian an Vice President Laldinsanga hovin Inrinni khan raltlan te hi an tlawh a, Mizoram sawrkar chu Bangladesh atanga kan unau, himna beiseia Mizoram a lo lut mek te ngaihsak zual turin an ngen a. Zofa zawng zawngte tan Mizoram chu Inpui a ni tih India sawrkar in hria se an duh tih an sawi bawk.

MSU chuan Parva-III khuaa NGO hrang hrang, Tuichawng Group YMA, Parva-III VC te leh Damdep VC te Meeting neihpuiin Parva-III khuaa raltlan awm mekte a tlawh kual a, tunah hian 295 raltlan an awm mek a, raltlante zingah hian khaw pathum VCP te an awm bakah Pastor an awm tel a, nunau leh kum upa lam an awm nual a, MSU Vice President chuan Refugee Organising Committee, Parva -III hnenah raltlan unaute tanpuina tur sumfai Rs. 10,000/- chu a hlan nghal a ni.

Comments

Popular posts from this blog