Lung atang sum hnar kan la nei dawn tih sawi

Geology & Mining Minister Dr. R.Lalthangliana chuan, “Nakin lawkah chuan lung atang hian sum hnar tha tak kan la nei dawn a ni,” a ti. Zirtawp zan khan Aizawl Luangmual-a Geology & Mining Directorate kawtah Geology & Mining Department thawktute Meeting a neihpuina ah he thu hi Dr. R. Lalthangliana chuan sawiin, “Bangladesh Commerce Minister nen kan indawr khan Hmarcha, Sawhthing, Aieng tih vel mamawh tho mahse, lung an mamawhna a nasa a, Bhutan atang te in an lalut a, kan Lungte hi an it em em a, nakin lawkah chuan lung atang hian sum hnar tha tak kan la nei dawn a ni,” a ti. Tun dinhmunah Geology & Mining Department hnuaiah hian thawktu 46 vel an awm a ni.