Inter-High School Quiz-ah St. Paul's HSS chak

Aizawl Smart City Ltd. MZP Inter-High School Quiz 2022 chu Zirtawp zan khan Ignite Studio, Khatla-ah zawhfel a ni a, St. Paul's Higher Secondary School chu pakhatna an ni.

 He Quiz kharna hun hi Health Minister Dr. R. Lalthangliana chuan kuallian nia hmanpuiin, “Kan khawvel hi a thawkrim leh taima, mi vantlang chunglam te tan lo chuan a harsa em em a. Chuvângin, tih tak takna nen, a nawlpui aia sang nih in tum loh chuan hlawhtlinna a awm lo,” a ti a. MZP President Lalnunmawia Pautu pawhin MZP in Inter-High School Quiz hi kum 2010 atang khan kumtin an lo buatsaih thin thu sawiin, “Heta rawn tel ngam zirlai leh a thiam bikte phei chu Matric Exam result-ah pawh a titha ber berte an ni fo thin,” a ti a. Mizo zirlaite Social Media khawvelah thudik lo post leh thehdarh kawngah fimkhur turin leh mahni zirlai dah hmasa turin a fuih bawk. 

MZP Inter-High School Quiz 2022 hi Aizawl Smart City Ltd. ten an Sponsor a ni. Tun tum inelna ah hian Sikul 15 an tel a, chuta a titha sikul pathum te chuan Zirtawpni zan khan intihsiakna an nei leh a. Pakhatna St. Paul's Higher Secondary School hian lawmman pawisafai Rs. 30,000/- bakahTrophy, thuziak leh lehkhabu hrang hrang an dawng a, St. Joseph Higher Secondary School chu pahnihna niin Rs. 20,000/- bakah Trophy, thuziak leh lehkhabu hrang hrang an dawng a. Kids Care School chu pathumna niin Rs. 10,000/- bakah Trophy, thuziak leh lehkhabu thahnem tak an dawng bawk a ni.