MPCC in MLA Candidate tur 3 puang ta

Mizoram Pradesh Congress Committee (MPCC) chuan nakum-aMLA General Election lo awm tura an Candidate tur mi pathum an puang ta.

Nimin khan South Tuipui Block pathum Special Meeting neih niin he hun hi MPCC President Lalsawta leh hruaitu dang ten an hmanpui a, he hunah hian MPCC President Lalsawta chuan 2023 MLA General Election-a South Tuipui bial Congress Party Candidate atan Er. C. Laldintluanga, Hnahthial Model Veng chu a puang a, “Sawrkar tha siam kan duh avang leh thluak-a sum lut laka fihlim kan duh avangin Candidate kan puang zawih zawih lova, kan fimkhur a ni. Chutiang turin South Tuipui bial hmasawnna hnathawk tur leh dikna luipui luantir turin Er. C. Laldintluanga, Hnahthial Model Veng hi kan puang a ni,” a ti.

Hemi hmalam hian MPCC hian Serchhip Bial-a an Candidate tur R. Vanlaltluanga leh Siaha bial-a an Candidate tur N. Chakhai te an lo puang tawh bawk a ni.