Mipuite hman theih turin Tlangau App tlangzarh a ni

Mizo Software Company, Lailen Consulting Pvt. Ltd. leh Netsurf te tangkawp in hun rei taka ta an buaipui, Mizoram-a Kohhran, Khawtlang leh pawl hrang hrangin a thlawna an hman theih tur ‘Tlangau App’ chu Central YMA President R. Lalngheta chuan a tlangzarh.

Tlangau App tlangzarhna Hotel Regency Conference Hall-a neih ah Central YMA President chuan Central YMA pawhin Information Technology lamah tan an la mek tih sawiin, hetiang ang mipui tana tangkai tur, thil inhriat tawn zung zung theihna tur Application kan nei thei tur hi Central YMA chuan an lawmpui thu leh a hlawhtlin ngei pawh an rin thu a sawi.

He Apps thar tlangzarh a nih hnu hian Tlangau App hman dan tur leh a thil tih theih te sawifiahna Lalrinnunga, Head of Business Development. Lailen Consulting Pvt. Ltd. chuan a nei a. Tlangau App hi Vengchhung, Pawl, Khua leh State chhunga thu pawimawh, Information inpekna tur a ni a. YMA/Local Council/Pawl eng pawh enkawltu bik awm tur a ni a, vengchhung mipui/member zawng zawng an tel thei bawk. Channel hrang hrang a awm a, mahni pawl/veng/member te tan thu pawimawh a in hriattir zel theih dawn a. Social Media kan hman thin te ang lo in, thu rintlak chauh, thildang in a pawlh buai loh in a hmangtu ten an hmu thei ang.

He App-ah hian leng chin tur bithliah a nei dawnlo a, Tlangau in a puan thin, veng chhung thil pawimawh- Zualko, ration sem, hnatlang, leh adt. chu phone ah hian en mai theih a ni dawn a ni. Man chawi a ngai lova, Vengchhung chanchinbu a man chawia advertisement an chhuah ang hian man chawiin an chhuah tir thei bawk ang. Google Playstore leh Apple Appstore ah te download theih in dahchhuah a ni.

Comments

Popular posts from this blog