Hnam Lam leh Zai intihsiakna neih a ni

Zonuna Kawlni /

Khawvel puma HIV/AIDS donna ni, World AIDS Day chu nimin khan Mizoram-ah pawh hman a ni. Aizawl Dawrpui Multipurpose Center-ah he ni pual hian State Level Hnam Lam leh Zai intihsiakna chu Central YMA leh Mizoram State AIDS Control Society buatsaihin neih a ni a, he hun hi Health Minister Dr. R. Lalthangliana chuan hmanpuiin HIV/AIDS dona chhungchang ah Health Department chauh nilo, NGO pawl hrang hrang te nen thawhhona tha an nei thei chu a lawm thu a sawi a, he natna dona ah hian tumah in tlansan lova, kan tanrual tlan chuan India ramah HIV/AIDS vei tlemna ber kan ni thei dawn a ni, a ti.

State Level hnam lam leh zai intihsiakna ah hian Vaivakawn Branch YMA (Aizawl District) chu pakhatna niin Chanmari Branch YMA (Lunglei District) leh Reiek Branch YMA (Mamit District) chu pathumna an ni.

Comments

Post a Comment

Popular News (Last 30 Days)

Thentlang VDP pawmpuina pe

Zonuna Kawlni /
Image
Serchhip District-a Thentlang khua ah tunhnai khan Village Defence Party (VDP) Unit din thar niin Serchhip SP hnena pawmpuina an dil angin nimin khan Serchhip SP chuan pawmpuina hi a pe a ni. Thentlang VDP Unit pawmpuina pek a nih rual hian nimin khan Serchhip Addl. SP Saiding-liana Sailo hovin a Pisa-ah VDP Member te tana tih tur leh tihloh tur te bakah harsatna sutkian dan hrang hrang inhrilhhriatna leh inkawmhona neih a ni a. Thentlang VDP Unit te hnenah hian an Member ten duty an neih huna an hman tur bungrua chi hrang hrang pek nghal an ni bawk.
Kimchang zawkin »